2021 ж.10 қарашада кіші залда «ОҚМА Эразмус+ жобалары» атты ақпараттық семинары өткізілді, оған проректорлар, декандар, кафедра меңгерушілері, ОҚМА профессорлық-оқытушылық құрамы қатысты.
Семинардың мақсаты-жеке және институционалдық деңгейде жобалар туралы, нәтижелері, әсері туралы ақпаратты тарату, сондай-ақ ОҚМА профессорлық-оқытушылық құрамын өтінім беру рәсіміне кеңінен тарту, әріптестер іздеу болып табылды.
ОҚМА бірінші проректоры М.М. Есіркепов құттықтау сөз сөйлеп, білім беру бағдарламаларын жетілдіруге, ЖОО оқытушыларының әлеуетін арттыруға мүмкіндік беретін Erasmus + бағдарламаларының өзектілігі мен маңыздылығын атап өтті.
Стратегиялық даму және халықаралық ынтымақтастық басқармасының басшысы А.А. Ахметова Erasmus + жобалары туралы баяндама жасады, аяқталған және ағымдағы жобалармен таныстырды, халықаралық кредиттік ұтқырлық (ICM), ПОҚ әлеуетін арттыру (Capacity building), жобалар туралы ақпаратты тарату, жобаларды тану (логотип, үлестірме материалдар) мәселелерін түсіндірді. ОҚМА-да Дүниежүзілік Банктің 2020-2021 жылдарға арналған «Тәжікстан Республикасында фармацевтикалық білім беруді инновациялық дамыту» жобасы жүзеге асырылуда, ОҚМА Абуали ибни Сино атындағы ТММУ-ға арналған «Фармация» ОБ бойынша консультант болып табылады, семинарлар, тренингтер, ТММУ мен ОҚМА-ға сапарлар өткізілді.
«Жедел медициналық көмек және мейіргер ісі» кафедрасының меңгерушісі, академиялық үйлестіруші А.А. Сейдахметова Қазақстанның жоғары білім беру жүйесінде мейіргер ғылымы мен зерттеулерін реформалауға бағытталған «Қазақстанның жоғары білім беру жүйесінде магистратура және докторантура деңгейінде мейіргер ісін жетілдіру – AccelEd» жобасы туралы баяндама жасады. Баяндамада жоғары мейіргерлік біліммен байланысты проблемалар және жобаның нысаналы топтарының нақты қажеттіліктері негізінде қалыптастырылған Жобаның мақсаттары, негізгі нысаналы топтар, жобаның серіктестері, құрылымы, жұмыс пакеттері, жобаны іске асыру мерзімдері, іске асырылған іс-шаралар, іске асыру барысында қол жеткізілген нәтижелер баяндалды. 2021 жылғы қазан айында осы жоба шеңберінде Сinahl (Сumulative Index to Nursing and Allied Health Literature) дерекқорына қолжетімділік берілді.
Команда мүшелері Erasmus + жобаларына қатысу және нәтижелерді өз қызметінде пайдалану тәжірибесімен бөлісті. Кафедра ассистенті, зерттеуші У. А. Ходжакулова Або Академи университеті (Финляндия) және Астана медициналық университеті ұйымдастырған «Мейіргерлік күтім теориясының мәні мен дамуы» оқу курсы туралы айтып берді, оның мақсаты мейіргерлік күтімнің заманауи теорияларын әзірлеу және оларды клиникалық практикаға енгізу болды. Қатысушылар мейіргер ғылымында, білім беруде және клиникалық тәжірибеде қолданылатын бірқатар теориялар мен модельдерді зерттеді, теорияларды қалай оқыту керектігін және ғылыми зерттеулерде қолданылатын Мейіргер ісі теорияларын қалай бағалау керектігін білді. Жоба аясында алынған тәжірибе мен білім барлығына даму үшін пайдалы.
Кафедра ассистенті, зерттеуші Дана Әуезханқызы кешенді жүйелі шолу бойынша тренинг туралы айтып берді. Бағдарламаны JBI, Оңтүстік Австралия, Аделаида Университетінің денсаулық сақтау және медициналық ғылымдар факультетінде орналасқан халықаралық зерттеу ұйымы ұсынды. Тренинг қатысушыларға сапалы және сандық жүйелі шолулар үшін хаттамаларды әзірлеу дағдыларын жетілдіруге мүмкіндік берді. Қатысушылар JBI SUMARI платформасына (ақпаратты бағалау мен шолуды басқарудың бірыңғай жүйесі), денсаулық сақтау, әлеуметтік және гуманитарлық ғылымдар сияқты салалардағы зерттеушілер мен тәжірибешілерге көмектесуге арналған веб-қосымшаға қол жеткізді. Оқу аяқталғаннан кейін барлық қатысушылар қатысқаны туралы сертификаттар алды.
Фармакология кафедрасының профессоры А.Г. Ибрагимова «Ресейде, Қазақстанда және Әзірбайжанда ашық және қашықтықтан оқыту шеңберінде денсаулық сақтаудағы стратегиялық менеджмент және тәуекелдерді басқару саласындағы бакалавриат пен магистратураны кәсібилендіру» Erasmus+ LMQS жобасы туралы баяндама жасады. Жобаның мақсаты-денсаулық қауіпсіздігін және денсаулық сақтау қызметтерінің сапасын басқаруды дамытуға, сондай-ақ кадрларды жұмылдыру және оларды медициналық құрылымдарға/ компанияларға қажетті дағдыларды беруге қабілетті жоғары білім беру бағдарламаларын (академиялық бағдарламалар) және кәсіптік даярлау бағдарламаларын ұсыну жолымен қажетті іс-қимылдарды практикада қолдануға үйрету арқылы Ресейде, Қазақстанда және Әзірбайжанда саясатты және стратегиялық қағидаттарды іске асыруға ықпал ету. Жобаның өзектілігі, мақсаттары, қатысушылары, іс-шараларды іске асыру, ықпал ету және тұрақтылық, серіктестік және ынтымақтастық сияқты мәселелер қамтылды.
Халықаралық жобаларға қатысу педагогикалық құрамға, студенттерге, магистранттарға өз әлеуетін арттыруға, командалық жұмыс дағдыларын, тілдік, аналитикалық дағдыларды, білім беру бағдарламаларын әзірлеу дағдыларын алуға мүмкіндік беретіні атап өтілді.
Жоба аясында мастер-класстар, семинарлар мен тағылымдамалардың арқасында магистранттар мен докторанттар, оқытушылар өз білімдері мен ғылыми танымдарын кеңейте алады.
